964+ دەریا محەمەد - راپەڕین بە ئامانجی گرینگیدان بە خواردنی کوردەواری قوڕاو و بە براندکردنی یەکەمین فێستیڤاڵی قوڕاو لە دۆڵی شەهیدانی ناحیەی سەنگەسەر بەڕێوەدەچێت و تا پێنج رۆژ بەردەوام دەبێت. لە چوارچێوەی فیستیڤاڵەکە کۆمەڵێک چالاکی بەڕێوەدەچن و بە پێی وتەی رێکخەرانی فیستیڤاڵەکە 70 کەپر ئامادەکراوە بۆ خاوەنکارە دەستییەکان و بەرهەمە خۆماڵییەکان، چالاکی ئەسپسواری یارییە کوردییەکان، سەفاری، میوزیک و شەومانەوەش بەشێکی ترن لە فیستیڤاڵەکە.