ئەندامێکی مەکتەبی سیاسی یەکێتی دەڵێت، هیچ بەرەوپێشچوونێک لە گفتوگۆکانی نێوان یەکێتی و پارتی بە ئاراستەی باشتکردنی پەیوەندییەکانیان و پێکهێنانی حکومەت نییە. سەعدی ئەحمەد پیرە، ئەندامی مەکتەبی سیاسی یەکێتیی نیشتمانیی کوردستان لە کۆنفڕانسێکی رۆژنامەوانیدا رایگەیاند، پێویستە یەکێتی و پارتی بە گفتوگۆ کێشە و ناکۆکییەکانیان لەبارەی پێکهێنانی حکومەتی نوێی هەرێم چارەسەربکەن.