سەرچاوەیەکی دیپلۆماسیی تورکیا بە ئاژانسی فرانس پرێسی رایگەیاندووە، وەزیرانی دەرەوەی ئەورووپا و چەند وڵاتێکی ناوچەکە رۆژی هەینی لە شاری ئیستنەبووڵ کۆبوونەوەیەکی هاوبەش دەکەن، کە لەسەر بانگهێشتی فەرمیی ئەنقەرە رێکخراوە. سەرچاوەکەی وەزارەتی دەرەوەی تورکیا ئاماژەی بەوە کردووە کە وەزیرانی دەرەوەی وڵاتانی ئەڵمانیا، فەرەنسا و بەریتانیا کە بە گرووپی E3 دەناسرێن، لەگەڵ هاوتاکانیان لە گرووپی نوێی "R4" کە پێکهاتوون لە تورکیا، سعودیە، پاکستان و میسر، کۆدەبنەوە.