دوای ئەوەی هاوپەیمانیی سەربازیی عەرەبی تێکشکاندنی چوار فڕۆکەی بێفڕۆکەوانی حووسییەکانی لە سعوودیە راگەیاند، فەرمان بە کارمەندانی کۆمپانیای ئارامکۆ کرا بارەگاکەیان چۆڵ بکەن، لە لایەکی دیکەشەوە میسر داوای چارەسەری سیاسی بۆ قەیرانی یەمەن دەکات. بە پێی زانیاریی دوو سەرچاوەی ئاگادار بۆ ئاژانسی "فرانس پرێس" داوا لە کارمەندانی کۆمپانیای ئارامکۆی سعوودیە کراوە بارەگای سەرەکیی خۆیان لە شاری زەهران چۆڵ بکەن.