وەزارەتی دارایی و ئابووریی حکوومەتی هەرێمی کوردستان لیستی مووچەی مانگی 10ی رادەستی بەغدا کرد، بڕیاریشە هەفتەی داهاتوو پارەکە خەرج بکرێت و دابەشکردنی مووچە دەست پێبکات. سەرچاوەیەکی ئاگادار بە کوردستان24ی راگەیاند، بەیانیی ئەمڕۆ پێنجشەممە، 22ی تشرینی یەکەمی 2026، شاندێکی وەزارەتی دارایی و ئابووریی حکوومەتی هەرێمی کوردستان لیستی مووچەی مانگی 10 و راپۆرتی تەرازووی پێداچوونەوەی مانگی ئەیلوول (نۆ)یان بە فەرمی رادەستی فەرمانگەی ژمێریاری لە وەزارەتی دارایی حکوومەتی فیدراڵ کرد.