964+ نووسینگەی رۆژئاوا کوردانی رۆژئاوای کوردستان لە کەمپەکانی حەسەکەوە دەگەڕێنەوە زێدی خۆیان و ئەمڕۆ 381 خێزان گەڕانەوە و نیشتەجێی سەرێکانی دەبن. 964 ڤیدیۆی ساتی بەڕێکەوتنی کاروانی هاوڵاتیانی کوردی لە حەسەکەوە بەرەو سەرێکانی و گوندەکانی دەوروبەری وێنە گرتووە. ئەمە کاروانی پێنجەمی گەڕانەوەی ئاوارەکانە و بە قسەی سیامەند خەلیل، جێگری بەرپرسی هێزەکانی ئاسایشی ناوخۆ، بە 964ی وت، بڕیار وایە پێنجشەممە کاروانێکی دیکەش بگەڕێنەوە زێدی خۆیان.