964+ ئەحمەد شەمزین – هەولێر وەزارەتی ناوخۆی هەرێمی کوردستان لە رێگەی کۆمپانیایەکی بازرگانییەوە ژمارەیەک درۆنی جۆراوجۆری هاوردە کردووە، کە کاری جۆراوجۆری وەک هەڵگرتنەوەی مین، رزگارکردنی هاوڵاتیان لە خنکان و ئاگرکەوتنەوە دەکەن، درۆنیشی تێدایە سەرپێچی هاتوچۆ تۆمار دەکات و غەرامەکەشت بۆ دەنووسێت. لە پێشانگەی تەکنەلۆژیای هاتێکس لە هەولێر، کە ئێستا بەڕێوەدەچێت، 964 ئەو نمایشی درۆنانەی بەسەرکردەوە، کە وەزارەتی ناوخۆی کوردستان دابینی کردوون.