وێستگەنیوز – حکومەتی هەرێمی کوردستان داوای دابینکردنی زیاتر لە 268 ملیۆن لیتر نەوتی سپی بە نرخی فەرمی لە حکومەتی عێراق دەکات، تا بەر لە دەستپێکردنی وەرزی سەرما بەسەر هاووڵاتییاندا دابەش بکرێت. ئەمڕۆ پێنجشەممە 22ی تشرینی یەکەمی 2026، بڵاوکرایەوە حکومەتی هەرێمی کوردستان داواکارییەکی فەرمیی ئاراستەی بەغدا کردووە بۆ ناردنی زیاتر لە 268 ملیۆن لیتر نەوتی سپی. لە داواکارییەکەدا هاتووە، پێویستە ئەو نەوتەی بۆ هەرێم دەنێردرێت بە نرخی فەرمی بێت و هاوشێوەی پارێزگاکانی دیکەی عێراق مامەڵەی لەگەڵدا بکرێت.