عەلی زەیدی سەرۆک وەزیرانی عێراق ڕایگەیاند کە ڕێنمایی تەواوی داوە بە هەمیشەییکردنی سەرجەم فەرمانبەرانی گرێبەست و کرێی ڕۆژانە لەسەر میلاکی هەمیشەیی دەوڵەت، هاوکات بڕیاری هێنانەکایەی 120 هەزار پلەی وەزیفیی نوێ بە شێوەی گرێبەست لە چوارچێوەی پڕۆژەیاسای بودجەی ساڵی 2027 بۆ سەرجەم توێژە جیاوازەکان دراوە. سەرۆک وەزیران جەختی لەوە کردەوە کە حکومەت هەموو هەوڵێک دەدات بۆ تەرخانکردنی پارەی پێویست تاوەکو بەپێی یاسا و ڕێنماییەکان بڕیاری هەمیشەییکردن و دامەزراندنە نوێیەکان بخرێنە بواری جێبەجێکردنەوە.