باراک ئۆباما بەرگریی لە رێککەوتنی ئەتۆمی دەکات و هۆشداری دەدات، ئیدارەی ترەمپ سەربازانی وڵاتەکەی خستووەتە مەترسییەوە و بەبێ لاوازکردنی هەژموونی ئێران لە گەرووی هورمز، بنکەکانی ئەمریکای رووبەڕووی وێرانبوون کردووەتەوە. باراک ئۆباما، سەرۆکی پێشووتری ئەمریکا لە میانی کەمپەینی بانگەشەی دیموکراتەکان لە ویلایەتی ئۆهایۆ، بۆ هەڵبژاردنی نیوەخولی کۆنگرێس، رایگەیاند، "ئێران خاوەنی چەکی ئەتۆمی نییە لەبەر ئەوەی من رێککەوتنم لەگەڵیاندا کرد و هیچ مووشەک و بۆمبێکم بەکارنەهێنا".