964+ ئەحمەد مستەفا بەشی کشتوکاڵی بەکرەجۆ دەستی بە لەناوبردنی بڕێکی زۆر لە دەرمان و قڕکەرەوەی مێرووی کشتوکاڵی بەسەرچوو و رێگاپێنەدراو کرد، بە مەبەستی پاراستنی تەندروستی گشتی و ژینگە. ئەم دەرمانانە لە ماوەی رابردوودا لەلایەن لیژنە هاوبەشەکانی قایمقامیەتی سلێمانییەوە لە کۆگاکان و بازاڕەکان دەستیان بەسەردا گیراوە، دوای ئەوەی بەسەرچوونیان و نەگونجاویان بۆ بەکارهێنان سەلمێنراوە.