964+ میلاد جەلال - گەرمیان ژمارەیەک کاسبکاری گۆڕەپانێک لە ناوچەی پیشەسازی کەلار، زیاتر لە 20 رۆژە دەرگای گۆڕەپانەکەیان داخراوە و ئەمڕۆ بۆ دووەمجار هاتنە بەردەم شارەوانی و گردبونەوە. داوا دەکەن رێگە بدرێ دوکانەکانیان رادەست بکەنەوە، چونکە بژێوییان لەسەر ئەو کاسبیەیە. هەردی جەلال، کاسبکارێکە لە گۆڕەپانەکە بە 964ی وت، چوینە لای سەرۆکی شارەوانی، پێمان دەڵێت، بۆتان چارەسەر ناکەم و دەبێت گۆڕەپانەکە چۆڵ بکەن.