لە نۆیەمین ساڵیادی داستانی سحێلا، فەرماندەکانی پێشمەرگە باس لە وردەکاریی ئەو رۆژە دەکەن، کە چۆن پێشمەرگە بە ورەیەکی بەرزەوە هێرشێکی فراوانی حەشدی شەعبی و هێزە عێراقییەکانی تێکشکاند و رێگری لە داگیرکردنی کوردستان کرد. رۆژی 26ی تشرینی یەکەمی ساڵی 2017، هێزەکانی پێشمەرگەی کوردستان لە میحوەری سحێلا، هێرشێکی فراوانی هێزە عێراقییەکان و چەکدارانی حەشدی شەعبییان تێکشکاند و رێگرییان لە پێشڕەوییەکانیان کرد بۆ ناو خاکی هەرێمی کوردستان.