بەرپرسانی ئەمنیی لوبنان کە لە چالاکییەکانی حزبوڵڵا ئاگادارن رایانگەیاند، باڵەکانی ئەو حزبە ماوەی 3 مانگە بەهۆی وەرگرتنی پارەی نەختینە لە ئێران، بۆ ئەگەری دەستپێکردنەوەی شەڕ لە دژی ئیسرائیل خۆیان پڕچەک دەکەن. دووشەممە 26ی تشرینی یەکەمی 2026، دوو سەرچاوەی ئەمنیی لوبنان بە ئاژانسی رۆیتەرزیان راگەیاند، حزبوڵڵا لەو ماوەیەی شەڕ و پێکدادانەکان لە حوزەیرانی رابردووەوە کەمبوونەتەوە سوودی وەرگرتووە بۆ خۆپڕچەککردنەوە.