+964 ئەحمەد محەمەد – سلێمانی ئیڤایەکی ئەڵمانی، کە 23 ساڵە خزمەتی دەکات و خاوەنەکەی سەردار حەمە سەعیدی ناوە، هێشتا بە توانایەکی بەرچاو لە گواستنەوەی بەردی نەقاڕی بۆ بیناسازی لە سلێمانی بەکاردەهێنرێت. خاوەنەکەی دەڵێت، ئەم ئۆتۆمبێلە سەرەڕای تەمەنی زۆری، هێشتا هێز و توانایەکی سەرسوڕهێنەری هەیە. سەردار سۆتکەیی، لەگەڵ نزیکەی 10 کاسبکاری دیکە لە مەیدانی سەرچنار، بە بارهەڵگرە کۆنەکانیان، لەوانە ئیڤا، یابوردە و دۆلفین، بە کاری گواستنەوەی بەردی نەقاڕی بۆ شوێنەکانی بیناسازییەوە سەرقاڵن.