دۆناڵد ترەمپ، سەرۆکی ئەمریکا، هەوڵێکی چڕ و پڕ دەدات بۆ ئەوەی لە بانگەشەی هەڵبژاردنەکانی نیوەخولی کۆنگرێسدا زۆترین تیشک و سەرنجی لەسەر بێت و لە بەربژێرەکان زیاتر بدرەوشێتەوە، چونکە پێیوایە بەو شێوەیە جۆش و خرۆش دەخاتە نێو لایەنگرانی و یارمەتیی بەربژێرە کۆمارییەکان دەدات هەژموونیان بەسەر کۆنگرێسدا بپارێزن. لێ دابەزینی جەماوەرەکەی بۆ نزمترین ئاستی مێژوویی، رەنگە بیکاتە بارگرانییەکی قورس بەسەر شانی پارتەکەیەوە.