پۆلیسی گەرمیان دەستگیرکردنی دوو تۆمەتباری راگەیاند، کە یەکێکیان لە رێگەی هەژمارێکی ساختەی فەیسبووک و بە ناوی ئافرەتەوە فێڵی لە پیاوان کردووە و لە بەرامبەر بڵاونەکردنەوەی وێنە و ڤیدیۆکانیان، پارەی لێ سەندوون. ئەمڕۆ سێشەممە، 27ی تشرینی یەکەمی 2026، سۆران محەممەد غەریب، گوتەبێژی پۆلیسی گەرمیان رایگەیاند، لە شارۆچکەی کەلار کەسێک بەپێی ماددەی (2) لە یاسای خراپ بەکارهێنانی ئامێرەکانی پەیوەندیکردن لەلایەن بەشی نەهێشتنی تاوانی گەرمیانەوە دەستگیر کراوە.