بە بڕیاری دادوەر، لە سنووری ئیدارەی گەرمیان کەسێک وەک قورئانخوێن ناسراوە دەستبەسەر کرا، ئەمەش دوای ئەوەی لە کاتی پشکنینی مۆبایلەکەیدا لەسەر دۆسیەیەک، دەست بەسەر زیاتر لە 400 وێنەی نەشیاو و تایبەتی ئافرەتاندا گیرا. سەرچاوەیەکی بەرپرس لە پۆلیسی گەرمیان بە کوردستان24ی راگەیاند، لە کاتی لێکۆڵینەوە لە دۆسیێک و پشکنینی مۆبایلی کەسێک ماوەیەکە وەک کەسایەتییەکی ئایینی و قورئانخوێن ناسراوە، هێزەکانی پۆلیس دەستیان بەسەر ژمارەیەکی زۆری وێنەی تایبەت و نەشیاوی ئافرەتاندا گرتووە کە سەرووی 400 وێنە بوون.