سوپای ئەمریکا زنجیرەیەک هێرشی ئاسمانیی سنوورداری کردە سەر دوورگەی قشمی ئێران لە گەرووی هورمز. ئەم هێرشە لە وەڵامی ئەوەدا بوو کە هێزەکانی سەر بە سوپای پاسداران مووشەکێکیان ئاراستەی فڕۆکەیەکی سەربازیی ئەمریکی کردبوو، لە بەرامبەردا فڕۆکەیەکی جەنگیی ئەمریکی سەکۆیەکی هاویشتنی مووشەکی لەسەر دوورگەکە تێکشکاند. بەرپرسانی ئەمریکی لە لێدوانیاندا بۆ فۆکس نیوز و سی ئێن ئێن و ئاکسیۆس جەختیانکردەوە: "هێرشەکان تەنیا رێکارێکی بەرگری بوون و بە مەبەستی رێگریکردن بووە لە بەئامانجگرتنی کەرەستە سەربازییەکانمان".