رووداو دیجیتاڵ ئەمڕۆ سێشەممە لە سەرەتای مامەڵەکاندا لەدوای کردنەوەی بازاڕەکانی ئاسیا، نرخی نەوت رووی لە بەرزبوونەوە کرد، ئەمەش دوای بڵاوبوونەوەی راپۆرتێک لەبارەی هێرشی ویلایەتە یەکگرتووەکانی ئەمریکا بۆ سەر دوورگەی قیشم کە نیگەرانییەکانی لەبارەی پەرەسەندنی جەنگە 9 مانگییەکە و پەککەوتنی هەناردەی نەوتی رۆژهەڵاتی نێوەڕاست زیاتر کردووە. نرخی نەوتی برێنتی دەریای باکوور 48 سەنت، یان بەڕێژەی 0.5% بەرزبووەوە و هەر بەرمیلێکی بە 105.25 دۆلار مامەڵەی پێوەکرا.