964+ ئەرسەلان عەبدوڵا بەڕێوەبەری راگەیاندنی زانکۆی سەڵاحەدین د.سامان عەبدوڵا، ئەمڕۆ سێشەممە 3.11.2026 بە 964ی رایگەیاند، کۆلێژی زمان لە زانکۆی سەڵاحەدین – هەولێر، پێویستی بە مامۆستایەکی پسپۆڕی زمانی چینییە. وتیشی، داوا لە کەسانی شیاو و خاوەن بڕوانامەی زانستی دەکەین داواکاری پێشکەش بکەن، بە مەرجێک پسپۆڕییان لە بواری فێرکردنی زمانی چینی هەبێت و هەڵگری بڕوانامەی ماستەر لە زمانی چینی یان بوارێکی پەیوەندیدار بن.