رووداو دیجیتاڵ ئەنجوومەنی باڵای خانمان و گەشەپێدان لە حکومەتی هەرێمی کوردستان دەڵێت، بەپێی توێژینەوەیەک، 91٪ی خێزانەکان لە دابینکردنی پێداویستییە سەرەکییەکانیاندا تووشی ئاستەنگی بوون و ژنانیش وەک بەڕێوەبەری کاروباری ماڵ، رووبەڕووی قورسترین گوشاری دەروونی و جەستەیی هاتوونەتەوە. توێژینەوەکە بە هاوبەشی لەگەڵ نەتەوە یەکگرتووەکان بۆ کاروباری ژنان (UN Women) کراوە و قەبارەی زیان و لێکەوتە کۆمەڵایەتی، دەروونی و جێندەرییەکانی دواکەوتنی مووچە لەسەر خێزانەکان ئاشکرا دەکات.