+964 سیروان خورشید - خورماتوو هاوڵاتییەکی کوردی دانیشتوی خورماتوو کە باوکی چوار منداڵە، ماوەی 13 ساڵە بێسەروشوێن بووە و تا ئێستاش هیچ زانیارییەک لەبارەیەوە نییە، کوڕێکیشی دەڵێت هێزە ئەمنییەکان هیچیان بۆ نەکردوون. تەیفوور رەزا شۆفێری تەکسی بووە و 13 ساڵ لەمەوبەر و هەر لە مانگی 11 دەچێتە کەرکوک و کوڕە خوشکێکی دەگەیەنێت بۆ کاروکاسبی، بەڵام لەو رۆژەوە بێسەروشوێنە و تەلەفۆنەکەشی هەر ئەو رۆژە دادەخرێت.