پڕۆژەی دروستکردنی ناوچەی پیشەسازیی هاوچەرخ لە ئاکرێ لە جێبەجێکردندایە و لە کۆتایی ساڵی 2027 رادەستی خاوەنکاران دەکرێت. لە چوارچێوەی کارەکانی حکوومەتی هەرێمی کوردستان بۆ رێکخستنەوەی سیمای شارەکان، پڕۆژەی ناوچەی پیشەسازیی هاوچەرخی ئاکرێ جێبەجێ دەکرێت. ئەم هەنگاوە یارمەتیدەرە بۆ کەمکردنەوەی قەرەباڵخی لە ناوەڕاستی شارۆچکەکە و رەخساندنی هەلی کار. لەمبارەیەوە ئەندازیار فریاد عەزیز، سەرپەرشتیاری پڕۆژەکە، بە کوردستان24ی راگەیاند، پڕۆژەکە 500 دوکان لەخۆ دەگرێت و بەسەر دوو قۆناخدا دابەش بووە.