خاتوو شاناز ئیبراهیم ئەحمەد لەنوسینگەی تایبەتی خۆی لەشاری سلێمانی، چاوی بە شازادە بەسمە کچی تەڵاڵ شازادەی ئوردن کەوت و پێکەوە تاوتوێی شێوازی بەهێزکردن و پەرەپێدانی پەیوەندییە مێژوویی، فەرهەنگی و کلتورییەکانیان کردەوە. لەدیدارەکەدا رۆڵی رێکخراوەکانی کۆمەڵگەی مەدەنی و رێکخراوە نێودەوڵەتییەکان، وەک ستونێکی سەرەکیی گەشەپێدان و پێشکەوتنی کۆمەڵگە خرایەڕوو، بەتایبەت لەپڕکردنەوەی ئەو بۆشاییانەی کە دامودەزگا پەیوەندیدارەکان بەهۆی کەمیی بودجە و قەیرانەکانەوە ناتوانن دابینی بکەن.