توێژینەوەیەکی نوێ کە لە گۆڤاری زانستیی (npj Science of Food) بڵاوکراوەتەوە هۆشداری دەدات لەوەی خستنەناوی کیسی چا بۆ ناو ئاوی گەرم، دەبێتە هۆی ئازادبوونی 555 بۆ 2,498 گەردیلەی مایکڕۆپلاستیک لە هەر کوپێکدا. هەروەها لە تاقیکردنەوەکاندا ماددەی کیمیایی "بیسفینۆڵ ئەی" (BPA) دۆزراوەتەوە کە دەبێتە هۆی تێکدانی هاوسەنگیی هۆرمۆنەکان لە جەستەدا. لە بەرامبەردا، پسپۆڕان ئاماژە بەوە دەکەن کە بەکارهێنانی چای فەل (گەڵا) بژاردەیەکی زۆر تەندروستتر و پارێزراوترە.