پەرلەمانتارێکی فراکسیۆنی پارتی لە پەرلەمانی کوردستان رایگەیاند، فراکسیۆنەکان پەرۆشی هەرێمی کوردستانن و نیگەرانی دۆخی چەقبەستوویی ئێستەن. ئەوان دێنە هۆڵی پەرلەمان و رێژەیی یاسایی تەواو دەکەن تا دەستەی سەرۆکایەتی هەڵبژێرین. ئەمڕۆ چوارشەممە، 4ی تشرینی دووەمی 2026، عوسمان وەیسی، پەرلەمانتاری فراکسیۆنی پارتی لە پەرلەمانی کوردستان، لە لێدوانێکدا بە کوردستان24ی راگەیاند، داوای لە سەرجەم فراکسیۆنەکان کرد بۆ بەشداریکردن لە دانیشتنەکانی پەرلەمان ئامادەبن.