پەرلەمانتارێکی سەربەخۆ رایگەیاند، پێویستە سەرجەم لایەنەکان لە پێناو بەرژەوەندیی گشتی و خزمەتکردنی هاووڵاتییان، پەرلەمانی کوردستان کارا بکەنەوە و کۆتایی بە پەکخستنی دوو ساڵەی ئەو دامەزراوەیە بهێنن. ئەمڕۆ چوارشەممە 4ی تشرینی دووەمی 2026،لە کۆنگرەیەکی رۆژنامەوانیدا شڤان سەعید، پەرلەمانتاری سەربەخۆ، لە لێدوانێکدا دووپاتیکردەوە، ئامادەبوونی پەرلەمانتاران ئەرکێکی سەرەکییە لە پێناو خەڵکدا و گوتی: "پێویستە پەرلەمانتاران بەشداری بکەن و ئەمڕۆ پەرلەمان کارا بکەنەوە تا بتوانرێت خزمەتی هاووڵاتییان بکرێت".