رووداو دیجیتاڵ دانیشتنی پەرلەمانی کوردستان بە سەرۆکایەتیی سەرۆکی تەمەن و ئامادەبوونی 52 پەرلەمانتار بەڕێوەچوو و تێیدا دەستەی سەرۆکایەتیی پەرلەمانی کوردستان هەڵبژێردرا. کاژێر 11:00ی پێش نیوەرۆی ئەمڕۆ چوارشەممە، زەنگی دانیشتنی پەرلەمانی کوردستان لێدرا و بە گوێرەی زانیارییەکانی رووداو، 52 پەرلەمانتار ئامادەی دانیشتنەکە بوون، واتە رێژەی یاسایی تەواو کراوە و 1+50ی تێپەڕاند.