رووداو دیجیتاڵ فیگەن یوکسەکداغ، لەبارەی زیندانیکردنی دەمیرتاش و هاوڕێکانی دیکەی، بە ناڕاستەوخۆ بەبیر ئۆپۆزیسیۆنی هێنایەوە و رایگەیاند کە ئەوکات گوتوویانە ئەمڕۆ لە هەدەپەیە و سبەی لە هەمووانە. فیگەن یوکسەکداغ، هاوسەرۆکی پێشووتری هەدەپە لە دەیەمین ساڵڕۆژی زیندانیکرانی سیاسەتڤانانی هەدەپە گوتی: "ئێمە گوتمان ئەمڕۆ لە ئێمە و سبەی لە هەمووانە! گوتمان دەرگای دۆزەخ دەکرێتەوە، بەداخەوە قسەکەمان راست دەرچوو. هەندێک کەس بیستیان، بەڵام زۆرینە نەیانبیست."