رووداو دیجیتاڵ یانەی ریال مەدرید لە یۆنانە و چوارەم یاریی لە خولی یانە پاڵەوانەکانی ئەورووپا ئەنجامدەدات و ڤینیسیۆس جونیۆر بەشێوەی سەرەکی بەشداری لە یارییەکەدا دەکات. ریال مەدرید رۆژی سێشەممە لە ڤالدێبێباس دوایین مەشقەکانی بۆ یاریی ئەمشەویان بەرامبەر ئایک ئەسینا ئەنجامدا و دوای ئەوە بەرەو یۆنان بەڕێکەوت، ئەمشەو لە دەستپێکی یارییەکانی گەڕی چوارەم لە شەوی دووەمدا کاژێر 20:45 لە دەرەوەی یاریگای خۆی یاریی دەکات.