مەکتەبی سکرتارییەتی سەرۆک مام جەلال بە رێزەوە لە مێژووی قارەمانێتی و پڕ سەروەری هەڤاڵ سەیوان حەمە زڕگویزی و بنەماڵە تێکۆشەرەکەیان دەڕوانێت. رۆژی 4ی 11ی 2026، مەکتەبی سکرتارییەتی سەرۆک مام جەلال لە شاری سلێمانی سەردانی کادری دیار و پێشمەرگەو تێکۆشەری دێرین هەڤاڵ سەیوان محەممەد ئەحمەد ناسراو بە ( سەیوان حەمە زڕگوێزی) یانکرد. لەو سەردانەدا، مەکتەبی سکرتارییەتی سەرۆک مام جەلال لە نزیکەوە لە تەندروستی هەڤاڵ سەیوان حەمە زڕگوێزییان پرسییەوەو هیوای سەلامەتی زیاتر و تەندروست باشیی هەمیشەییان بۆ خواست.