باشاک دەمیرتاش، هاوسەری سەڵاحەدین دەمیرتاش، هاوسەرۆکی پێشووی پارتی دیموکراتی گەلان (هەدەپە)، کۆلێژی یاسای تەواو کرد. لە ئێستاشەوە ئەوە بووەتە جێگەی سەرنج و باسوخواس، ئایا لە داهاتوودا ناوبراو پارێزەری لە سەڵاحەدین دەمیرتاشی هاوسەری دەکات کە لە گرتووخانەی ئەدیرنە زیندانی کراوە یان نا. باشاک دەمیرتاش پێشتر مامۆستا بوو، بەڵام دوای ئەوەی سەڵاحەدین دەمیرتاش خرایە زیندانەوە، دەستبەرداری پیشەکەی بوو.