وەزارەتی دەرەوەی ئەمریکا دووپاتی کردەوە، واشنتن پشتیوانی لە هەرێمی کوردستانێکی بەهێز و خۆڕاگر دەکات و، جەختی لەوە کردەوە کە هەرێمی کوردستان وەک کۆڵەکەیەکی بنەڕەتی لە پەیوەندییە فراوانەکانی نێوان ئەمریکا و عێراقدا دەمێنێتەوە. پێنجشەممە، 5ی تشرینی دووەمی 2026، گوتەبێژێکی وەزارەتی دەرەوەی ئەمریکا، لە وەڵامی ماڵپەڕی کوردستان24دا، هەڵوێستی فەرمیی وڵاتەکەی لە بارەی پەیوەندییە ستراتیژییەکانی لەگەڵ عێراق و گرنگیی پێگەی هەرێمی کوردستان خستەڕوو.