هەڵگورد شێخ نەجیب، پەرلەمانتاری کوردستان لە فراکسیۆنی زەرد لە بارەی چارەنووسی پۆستی سەرپەرشتیاریی سەربەخۆی سۆران بە ماڵپەڕی کوردستان24ی گوت: لە یەکەم کۆبوونەوەی خولی شەشەمی پەرلەمان کە لە 2ی کانوونی یەکەمی 2024 بەڕێوەچوو، دوای سوێندخواردنی پەرلەمانتاری، بە فەرمی لە پۆستی سەرپەرشتیاریی ئیدارەی سەربەخۆی سۆران نەماوم، بەڵام لەم دوو ساڵەی رابردوودا تەنیا ئەرکی من چاودێریی کارەکانی ئیدارەکە بووە، نەک سەرپەرشتیار.