کەشناسی هەرێمی کوردستان ئاماژە بەوە دەکات دوای نیوەڕۆی ئەمڕۆ باران بارین لە تەواوی ناوچەکانی هەرێمی کوردستان دەگرێتەوە. ئەمڕۆ هەینی 6ی تشرینی دووەمی 2026، بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان بڵاویکردەوە، ئاسمان لە نێوان نیمچە هەور بۆ هەوری تەواو دەبێت، لە کاتەکانی بەیانی نمە باران و بارانی مامناوەند لە ناوچەکانی پارێزگای دهۆک و ئیدارەی زاخۆ دەبارێت، پاشان بۆ دوایی نیوەڕۆ کاریگەری شەپۆڵەکە درێژ دەبێتەوە بۆ تەواوی ناوچەکانی هەرێم لە زۆربەی ناوچەکان باران بارین دەبێت.