ڕەوەند هاودیانی، گوتەبێژی بەرگریی شارستانیی سۆران بە کەناڵ8ی ڕاگەیاند، ئاگادارکراونەتەوە گرووپێکی شاخەوانی کە پێکهاتوون لە حەوت کەس لە پارێزگای دهۆکەوە بە مەبەستی گەشتکردن و شاخەوانی ڕوویان لە چیای هەڵگورد کردووە و نیوەڕۆی ئەمڕۆ پێنج لە شاخەوانەکان چوونەتە دەرەوەی خێمەکەیان و دوانیان لە ناو خێمەکەدا ماون، بەڵام بە هۆی نالەباری بارودۆخی کەشوهەوا، پێنج شاخەوانەکە ڕێگەیان ونکردووە و بێسەروشوێن بوون.