دۆناڵد ترەمپ، سەرۆکی ویلایەتە یەکگرتووەکانی ئەمریکا لە نوێترین لێدوانیدا سەبارەت بە دۆخی گرژییەکانی نێوان وڵاتەکەی و تاران رایگەیاند، واشنتن لە ئێران دەباتەوە و لە هەمان کاتیشدا گفتوگۆ لە نێوان هەردوولادا لە ئارادایە. لە کاتی بەجێهێشتنی واشنتن و بەرێکەوتنی بەرەو ویلایەتی فلۆریدا، دۆناڵد ترەمپ لە کۆشکی سپی وەڵامی پرسیاری رۆژنامەنووسانی دایەوە و گوتی: "ئێمە لە ئێران دەبەینەوە، لەگەڵ ئێران زۆر باش دەڕۆین. گفتوگۆ لەگەڵ ئێران دەکەین و پێشتریش گفتوگۆمان کردووە."