رووداو دیجیتاڵ بەر لە چەند کاژێرێک لە یاریی لووتکەی نێوان ئاتلێتیکۆ مەدرید و بارسێلۆنا، ئینریکی سیریزۆ، سەرۆکی ئاتلێتیکۆ، لە پەیامێکدا بۆ جولیان ئەلڤارێز گوتی، یاریی بکە و گۆڵ بکە، لە میترۆپۆلیتانۆ جێگای بیانوو نابێتەوە، تەنیا گۆڵەکان قسە دەکەن. سبەی شەو، کاژێر 23:00 بەکاتی باشووری کوردستان، یاریگای میترۆپۆلیتانۆ، میوانداریی لووتکەی گەڕی 12ی لالیگا دەکات، لە نێوان هەردوو یانەی ئاتلێتیکۆ مەدرید و بارسێلۆنا. یارییەک دەکرێ زۆر شت لە وەرزی ئەمساڵی خولەکەدا بگۆڕێت.