بەڕێوەبەری راگەیاندنی بەرگریی شارستانیی هەرێمی کوردستان ئاشکرای کرد، ئەو شەپۆلە بەهێزەی بارانبارین کە سەنتەری شاری هەولێری گرتەوە، لە کاتژمێرەکانی داهاتوودا بەرەو سنووری پارێزگاکانی سلێمانی، هەڵەبجە، ئیدارەی گەرمیان و بەشێکی سۆران دەڕوات؛ هاوکات دڵنیایی دایە هاووڵاتییان کە سەرەڕای زیانی ماددی لە چەند گەڕەکێک، هیچ زیانێکی گیانی لە سنووری هەولێر تۆمار نەکراوە.