دەستەی سەرۆکایەتی پەرلەمانی کوردستان داوا دەکات تا سبەی ناوی ئەندامانی لیژنەی یاسایی رادەست بکرێت. ئەمڕۆ یەکشەممە، 8ی تشرینی دووەمی 2026، مونا قەهوەچی، سکرتێری پەرلەمانی کوردستان بە کوردستان24 ی راگەیاند، هەروەک لەلایەن سەرۆکی پەرلەمانی کوردستانەوە داوا لە فراکسیۆنەکانی پەرلەمانی کوردستان کراوە، داوا دەکەن سەرجەم فراکسیۆنەکانی پەرلەمانی کوردستان، تاوەکو سبەی ناوی ئەندامانیان بۆ لیژنەی یاسایی پەرلەمانی کوردستان پێشکەش بکەن، بۆ ئەوەی ئەو لیژنە کارەکانی دەستپێبکات.