964+ ژووری هەواڵ لە شەو و رۆژی رابردوودا لە بیارە زۆرترین و لە کەلار کەمترین باران باریوە، لە هەولێریش کە لافاو زیانی بە سەروماڵی هاوڵاتیان گەیاند، 70 ملم باران باریوە. بەگوێرەی راگەیەندراوێکی بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان، لە کاتژمێر 9ی بەیانیی دوێنێ تاوەکو 9ی بەیانیی ئەمڕۆ 8/11/2026، زۆرترین بڕی باران لە بیارەی هەورامان باریوە کە 92 ملم بووە و لە کەلاریش تەنیا 3.2 ملم بووە، لە سەنتەری هەولێریش هاوشێوەی دەربەندیخان 70 ملم باران باریوە.