شاندێکی باڵای دانوستانکاری حکومەتی هەرێمی کوردستان بە مەبەستی بەردەوامیدان بە دانوستانەکان لەبارەی شایستە داراییەکان و ڕەشنووسی پڕۆژەیاسای بودجەی ساڵی ٢٠٢٧ گەیشتە بەغدای پایتەخت.فەرمانگەی میدیا و زانیاریی حکومەتی هەرێم لە ڕاگەیەندراوێکدا ئاشکرای کرد، ئامانجی سەردانی شاندەکە کۆبوونەوەیە لەگەڵ لایەنە پەیوەندیدارەکانی حکومەتی فیدراڵ، بۆ خستنەڕووی تێبینییە فەرمییەکانی هەرێم لەسەر ئەو بڕگە و مەرجانەی لە ڕەشنووسی نوێی بودجەدا جێگیر کراون.