سەرۆک بارزانی لە پەیامێکی هاوخەمیدا بۆ هونەرمەند برادەر موسیکی بەهۆی کۆچی دوایی (ئەردال)ی کوڕی، پرسە و سەرەخۆشیی خۆی ئاراستەی خانەوادەکەی کرد و رایگەیاند کە خۆی بە هاوبەشی خەمیان دەزانێت و داوای لە خودای گەورە کرد سەبر و ئارامییان پێ ببەخشێت. دەقی پەیامی هاوخەمیی سەرۆک بارزانی بۆ هونەرمەند برادەر موسیکی بەداخێکی زۆرەوە هەواڵی کۆچی دوایی (ئەردال)ی کوڕی هونەرمەندی ئازیزی کورد (برادەر موسیکی)یم پێ گەییشت.