964+ دیلان محەمەد- سلێمانی دوای رووداوی هێرشەکەی شەوی رابردوو بۆ سەر کێڵگەی غازی کۆرمۆر، ترس و دڵەڕاوکێ لە لای هاووڵاتییان دروستبووە و بەشێکی زۆریان روویان لە بەنزینخانەکان کردووە بۆ وەرگرتنی غاز. ئەمەش لە کاتێکدایە ئەم بەیانیە ئۆتۆمبێلەکانی دابەشکردنی غاز لە ناو گەڕەک و کۆڵانەکانی شاری سلێمانی گەڕاون بۆ دابینکردنی غازی ماڵان قایمقامییەتیش دڵنیایی دەدات کە خەزێنەیەکی زۆری غاز بەردەستە و پێویست بە ترس و دروستکردنی سەرەی درێژ ناکات.