وێستگەنیوز – فیردەوس دڵشاد مەسعود بارزانی لە پەیامێکدا بانگەواز ئاراستەی یەکێتیی نیشتمانیی کوردستان دەکات کە لەگەڵ پارتی پێکەوە دابنیشن و کۆتایی بە قەیرانی سیاسی بهێنن، هاوکات داوا لە سەرجەم لایەنەکان دەکات پێکەوە حکومەتێکی بنکەفراوان و نیشتمانی پێکبهێنن. ئەمڕۆ دووشەممە 9ی تشرینی دووەمی 2026، مەسعود بارزانی سەرۆکی پارتی لە پەیامێکدا ڕایگەیاند: پێویستە هەموو لایەک ئەوە لەبەرچاو بگرن کە بەرژەوەندیی گەلی کوردستان لە هەموو بەرژەوەندی و ئامانجێکی تر گەورەترە.