ڕێکخراوی مافی مرۆڤی هەنگاو ئاشکرای کرد، ژینا ئەحمەدی، چالاکوانی هونەری و دامەزرێنەری ماڵی مۆسیقای «ژیڵەمۆ» لە شاری مەریوانی ڕۆژهەڵاتی کوردستان، دوای تێپەڕبوونی زیاتر لە مانگێک بەسەر دەستبەسەرکردنیدا، بە بارمتە ئازاد کرا.بەگوێرەی ڕاپۆرتی هەنگاو، ژینا ئەحمەدی دوای ٣٦ ڕۆژ ڕاگرتن لە بەندی ژنانی بەندیخانەی ناوەندیی سنە، ئەمڕۆ دووشەممە ٩ی تشرینی دووەم، بە دانانی بارمتەی دارایی بە بڕی یەک ملیار و ٨٠٠ ملیۆن تمەن بە شێوەیەکی کاتی ئازاد کراوە.