سەرۆکوەزیرانی عێراق و سەرۆکوەزیرانی هەرێمی کوردستان لە بەغدا کۆبوونەوە و جەختیان لە گرەنتیکردنی بەردەوامیی مووچەی فەرمانبەران، دەرکردنی یاسای نەوت و گاز و بەرزکردنەوەی ئاستی بەرهەمهێنانی نەوت کردەوە، هاوکات بە توندی سەرکۆنەی هێرشەکەی سەر کێڵگەی گازی کۆرمۆریان کرد. ئەمڕۆ دووشەممە، 9ی تشرینی دووەمی 2026، عەلی فالح زەیدی، سەرۆکوەزیرانی عێراق پێشوازیی لە مەسرور بارزانی، سەرۆکوەزیرانی هەرێمی کوردستان و شاندی یاوەری کرد.