رووداو دیجیتاڵ لە شارۆچکەی نسێبینی سەر بە پارێزگای مێردین لە باکووری کوردستان، رێپێوانێکی جەماوەری بەڕێوەچوو؛ بەشداربووان داوایان لە حکومەتی تورکیا کرد دەروازەی سنووریی نێوان نسێبین و قامشلۆ لە رۆژئاوای کوردستان بکاتەوە و ئاوڕ لە دۆخی ئابووریی ناوچەکە بداتەوە. ئەمڕۆ دووشەممە، 9ی تشرینی دووەمی 2026، بە پێشەنگایەتیی دەم پارتی، پارتی هەرێمە دیموکراتەکان (دەبەپە) و پلاتفۆرمی دامەزراوە دیموکراتییەکان، لە پارکی ئاشتی لە نسێبین رێپێوانێک دەستیپێکرد و تاوەکو شەقامی جمهوورییەت بەردەوام بوو.