وێستگەنیوز – سەرۆکی لیژنەی دابەشکردنی غاز لە سلێمانی دڵنیایی دەداتە هاووڵاتییان کە بڕێکی زۆر غازی عەمبارکراو لە کۆگاکاندا هەیە و پێویست بە دڵەڕاوکێ و ڕاکردن بۆ بەنزینخانەکان ناکات. عومەر عەبدوڵا، سەرۆکی لیژنەی دابەشکردنی غاز لە سلێمانی سەبارەت بە قەرەباڵغیی هاووڵاتییان لە بەردەم بەنزینخانە و وێستگەکان پاش ڕووداوەکەی کێڵگەی کۆرمۆر، ڕایگەیاند: پێویستی نەدەکرد هاووڵاتییان بتۆقن و بترسن، چونکە بڕێکی ئێجگار زۆر غازی عەمبارکراومان هەیە و هیچ گرفتێک لە دابینکردنی غازدا نییە.